Pinalagan ni Senator Christopher “Bong” Go an akusasyon kontra han Office of the Prosecutor han International Criminal Court (ICC) kun diin gin ngaranan hiya kumo co-perpetrator o kasabwat ni anay Presidente Rodrigo Duterte ha kaso nga crimes against humanity may paghisumpay ha madugo nga war on drugs.
Ha ginpagawas nga pahayag han Senador, ginmalatumat hini nga kakulop la niya nahibaruan an kasumpay ha mga alegasyon nga ginbabatak ha hiya nga nakasulod ha redacted version han Document Containing the Charges nga gin isyu han ICC tikang ha Office of the Prosecutor.
Maduon nga igindiwara han Senador an mga alegasyon kumo waray sakto nga basaranan, may gin uugupan, dire patas, ngan waray hibabruan ha iya nagin papel ngan responsibilidad dida han nagserbi hiya kumo Special Assistant ni anay Pangulong Duterte tikang Hunyo 2016 kutob Oktubre 2018, sugadman kumo Executive Assistant to the Mayor han Davao City tikang 1998 kutob 2016.
Ginpanhimuwa gihapon han Senador an sayop nga akusasyon nga nagserbi hiya kumo Chief of the Presidential Management Staff, mahitungod waray hiya bisan san-o kumapot han posisyon.
