TACLOBAN CITY– Naugbaw an Seminario de Jesus Nazareno, ha Brgy. Campesao, Borongan City.
Sumala kan PLt.Col Clark ChavariaChief of Police, Borongan City Police Office nga dayon hira nagdumara hin pagresponde, kun diin haros 3 nga fire truck an rumesponde ha nasabi nga sunog, kun diin naabtan nira nga nauugbaw na an function hall ngan chapel han nasabi nga simbahan.
Subay ha ira gindumara nga imbestigasyon, nga an rason han insidente in matungod ha nahingalimtan nga pagparong han insenso, kun diin ginbutang la ine ha ligid han chapel, ngan matungod nga himo ha light materials, madagmit nga nagsarang an kalayo.
Ginpaangbit naman hine nga maabot ha sobra 200 nga mga seminarista an naapektaran ha nasabi nga sunog, ngan ginpapanguli la anay an mga ine.
Samtang, waray naman may nasamaran o namatay ha nasabi nga sunog.
Gin babana-bana naman nga maabot ha P7.5M, an ginbayaan nga danyos ha mao nga sunog.
