NATIONAL–Nagtalaan an Sandiganbayan 3rd Division hin 10 ka adlaw nga bail hearing tikang han ika 6 han Abril para ha kaso nga malversation kun diin nahiupod hi anay Senador Ramon “Bong” Revilla Jr., Bulacan First District official Brice Hernandez, ngan iba pa nga akusado kasumpay ah ginaalegar ga P92.8-M nga ghost flood control project ha Pandi, Bulacan.
An pagdungog in bubuhaton ha aga ngan kulop, ngan ginlalauman nga magpapadayon hasta han ika 24 han Abril.
Sumala ha korte, tumong han bail hearing nga ig-eksamin kun mayada ensakto nga ebidensya agud nga tugutan an temporary nga pag-gawas han mga akusado samtang nagpapadayon an trial.
Kasunod hine, nakatalaan gihapon ga magtitikang an trial proper yana nga abril 7 ha Sandiganbayan 4th Division, kun diin igprepresenta han Ombudsman an 56 ka prosecution witnesses nga magpapamatuod ha ginaalegar nga anomalya.
Kalakip ha mga akusado labnot la kan Revilla ngan Hernandez an pira ka anay opisyal han Department of Public Works and Highways (DPWH) Bulacan First District Engineering Office.
Sumala ha prosekusyon, an flood control project nga ginpondohan han haros P92.8-M in waray pa ginpatuman, sanglit gintutudlok ine nga ghost project nga nagdurot hin dako nga pagkalugi ha pondo han nasud.
An kaso nga ine in usa ha pinakadako nga graft nagn malversation proceedings yana nga tuig, nga mahugot nga ginbabantayan han publiko mahitungod ha bug-at han akusayson ngan kadamo hiton mga testigo.
Kun mapamatud-an nga guilty, posible nga umatubang an mga akusado ha mabug-at nga sirot kalakip an pagkakapreso ngan pagbabayad hin danyos.
Ha presente, in mahugot ngha gindidiwara ni Revilla ngan han iya kampo, an mga akusasyon samtang, ginpaapkita han Ombudsman an kumpyansa ha ira ebidensya ngan mga testigo.
Ha Abril, magtititkang an trial nga ginlalauman ngamagbubuyagyag hin mas damo nga detalye kasumpay ha ginaalegar ga ghost project nag sua ha pinakadako nga kaso korapsyon nga ginaatubang han usa nga anay senador ha kasysayan han nasud.
