-- Advertisements --
TACLOBAN CITY – Malipayon nga gin-anunsyo han San Miguel Leyte nga hira yana in matatawag na nga COVID-19 free mahuman nga makarekober na tanan han siyam nga COVID-19 patients ha ira bungto.
Sumala kan Norman Sabdao, Mayor han San Miguel Leyte, ngada pa han Hulyo 6 nakapanguli tanan han ira mga pasyente ha ira tagsa tagsa na mga panimalay mahuman nga magnegatibo na an mga ini ha ira swab test.
Ha pagkayana in nakapailarom na an mao nga mga pasyente ha home quarantine.
Samtang, ha kaluyo hini in padayon naman an ira monitoring ha 17 nga mga locally stranded individuals nga nanguli ha ira bungto tikang han utro nga igbalik an pagkarawat han mga LSI ha rehiyon.
