TACLOBAN CITY– Nagkamay-ada hin Memorandum of Agreement Signing ngan Groundbreaking Ceremony alas noybe kaninan nga aga ha Kanhuraw Hill, Siyudad han Taloban.
Presente han mao nga katitirok hira Konsehala Cristina G. Romualdez kumo representante han konseho, hi Mayor Alfred Romualdez, hi Architect Danny Fuentivella, Lt. Col Alexander Genabe kumo Secretary for Program
Administration ngan Colonel Wayne Maxwell kumo Colonel Wayne Maxwell kumo Territorial Commander han Salvation Army.
An daan nga City Comelec an pagtitindugan hini nga building kundiin gintawag ini nga Tacloban City Livelihood and Entrepreneurial Center o kun CLEP.
An CLEP in may panuyuan nga makabulig ha mga waray trabaho, pati na gihapon an mga underemployed ngan out-of-school youth nga magkamay-ada pakabuhi hilabi na an mga biktima han bagyong Yolanda.
Dako an pasalamat ni Mayor Alfred Romualdez kay bisan harani na mahuman an tuig, may-ada pa mga nakalinya nga proyekto para ha Tacloban.
