TACLOBAN CITY: Dead on arrival an usa nga Russian foreign national, mahuman ine nga madisgrasya ha may Bgry. 99, Diit, Tacloban City.
Sumala kan PLT. Col. Edwin Cañamaque, Information Officer Tacloban City Police Office, nga ginbabaybay hiton nasabi nga Russian national an karsada han nasabi nga barangay kadungan an usa nga wing van.
Dugang pa han ira imbestigasyon, nga nakada ha outer lane an ginmamanihuan nga motor han nasabi nga Russian national, samtang an kasabay hine nga wing van in nakada naman ha inner lane.
Mababaruan, aksidente hine nga nabungo an posti han kuryente, kun diin nakatudol pa ine hin usa nga senior citizen, kalakip gihapon ha disgrasya an usa nga motor nga nakaparada, matungod ha kadagmit han iya pagmaneho nahilabog ine, ngadto ha wing van nga kadugan niya ha mao nga oras.
Ine naman an rason han kaligis niya, nga rason naman han iya dayon nga kamatayon.
