TACLOBAN CITY – Gin pahibaro han Leyte Metropolitan Water District (LMWD) ha publiko nga an rason han pagkakamay-ada hin malubog nga awas hin tubig ha mga gripo in mahitungod han nagpapadayon nga proyekto nga ginpapatuman han Department of Public Works and Highways (DPWH) tikang ha Cabalawan sugad man ha Baruguan River.
Sumala kan LMWD Department Manager, Tess Pascua, mahitungod hine nga proyekto in hitaas an turbidity ha nasabi nga lugar kun diin mahitungod hine in naruba an variable frequency drive (VFD) nga nagpapatin-aw han malubog nga tubig.
Ginsigurado naman hine nga nakikigkoordina na an ira buhatan ha DPWH agud masolusyunan an nasabi nga problema.
Nag-procure na gihapon na daw gihapon an ira buhatan hin device agud mahibalik an kalimpyo han tubig ha Cabalawan Plant.
Gin klaro gihapon ni Pascua ha publiko nga may-ada mga pitad nga ginhihimo an LMWD ngan PrimeWater agud mas mapadagmit an pagbalik han operasyon ha nasabi nga lugar.
Ha laib nga bahin, ginkumpirma naman ni Pascue nga aada na hira ha proseso han pagpre-terminate ha ira joint venture ha PrimeWater. (via Bombo Niña Magpili)
