Iginduduso nira Leyte 1st District Representative Ferdinand Martin Romualdez an balaodnon nga magpapadig-og han National Oral Health Program agud mahabulig an serbisyo dental ha mga pangunahon nga sistema pan lawas ug mapahiluag an access hini ilabi na para ha mga kulang ha serbisyo medikal.
Kaupod ha mga nagsurat han mao nga balaodnon hira Reps. Yedda Marie Romualdez, Andrew Julian Romualdez, ngan Jude A. Acidre han Tingog Party-list.
Ha ilarom han House Bill No. 4691, gin kikilala kumo importante nga parte han bug-os nga pan lawas an oral health.
Sumala kan Romualdez, panuyuan han mao nga balaodnon nga himuon kumo abot-kaya ngan accessible an serbisyo dental, ilabi na ha mga bata, burod, ngan senior citizens.
Gin tagan duon pa han balaodnon an pagpapadig-on han preventive care ug pamumuhunan han gobyerno agud maibanan an mga gin-aabat nga kaul-ul ha ngipon ug mapagaan an gastuson han mga pamilya.
Igtitindog an National Oral Health Program kumo pagpapahiluag han basic dental services sugad han check-up, cleaning, pasta, ngan pag pa gabot, sugad man ig-uupod ini ha mga programa han gobyerno sugad han Universal Health Care Act.
Gin aaghat gihapon an PhilHealth nga pahilawigon an coverage para ha serbisyo dental para ha mga bata ngan mga lagas.
Agud mas mapakusog an implementasyon, maghihimo hin Oral Health Service ha ilarom han Department of Health nga nakatalaan magpadalagan han mga polisiya ngan programa ha bug-os nga nasud.
Magkakaada gihapon hin dugang nga dental professionals ilabi na ha mga higrayo ngan makuri kadtuan nga mga lugar.
An mao nga balaodnon in kaparte han pagpapakusog han information campaigns ha bug-os nga nasud ngan pagdedeklara han bulan han Pebrero kumo National Oral Health Month.
Pananglitan mahimo nga balod, gin-lalauman nga mapapaupay hini an maupay nga panlawas han ngipon han mga Pilipino ug maiibanan an paras-anon nga garastosan han kada pamilya.
