NATIONAL–Ginkumpirma han Department of Justice (DOJ) nga nakailarom na ha pag-aaram an resolusyon ha kaso nga grave threats ngan inciting to sedition kontra kan Vice President Sara Duterte.
Sumala kan DOJ Spokesperson Atty. Polo Martinez, nga mayada draft an nasabi nga kaso pero ini in igpapailarom ha pag-aaram.
Gintawagan nga pending an kaso mahitungod ha pag-aaram han mga division head han DOJ.
Mababaruan nga han Pebrero 2025 han naghaon an Nationall Bureau of Investigation (NBI) mahitungtod ha ginbuhat nga panarhog ni Duterte han Nobyembre 2024.
Ha nasabi nga pahayag in ginmalatumat han Bise Presidente nga mayada ine ginkuha nga tawo agud nga patayon hi Pangulong Ferdinand Marcos Jr, First Lady Liza Marcos, ngan anay House Speaker Martin Romualdez.
Ginklaro ni Martinez nga bisan nga nagdeklara na Duterte hin pagkaklandidato ha pagkapresidente in dire maaapektuhan an nasabi nga kaso.
