Igin duon ni Navotas Rep. Toby Tiangco nga dire na dapat magtago o lumikay hi Ako-Bicol party-list Rep. Zaldy Co ha isyu nga ginkakadabihan hine kasumpay ha mga insertions ha panukala nga national budget para ha tuig-2025.
Ine in mahitungod nga natuod hi Tiangco nga waray na madig-on nga rason hi Co para magpabilin nga tikom it baba o likayan an pagka-klaro ha publiko kasumpay ha nasabi nga mga alegasyon.
An pahayag ni Tiangco in kasunod han nagin desisyon hi House Speaker Faustino “Bojie” Dy III nga bawion an travel clearcne nga nauna na nga ginhatag kan Co.
Labot pa hine, iginmando gihapon ni Speaker Dy an dayun nga pagpapabalik kan Co ha Pilipinas agud atubangon an isyu.
Gintagan-duon ni Tiangco nga yana na an sakto nga panahon para ig eksplikar ni Co ha mga Pilipino kun diin insakto nga nahingadto an mga pondo nga gin-iistoryahan.
Dugang pa hine, hi Co la an mayda sakto nga hibaro ngan makakaghatag hin konkreto nga baton ha mga pamakiana nga nagtatabon ha kontrobersal nga isyu han small committee insertions ha budget.
Iginpahayag gihapon han magbabalaod an iya paglaum nga ha pagbalik ni Co ha nasud in maisasapubliko na gihapon an mga minutes o opisyal nga datos ngan kompleto nga report han ira mga nagin pagharampang kasumpay han budget.
