ODD NEWS- Usa nga 15 anyos nga imbentor ha Britain an nagdesinyo hin relo nga nagpupugong ha nakasul-ot nga kaptan an nawong para malikayan an impeksiyon han COVID-19.Gintawag ine niya nga Vybpro watch.
Sumala kan Max Melia han Bristol, England, nga han una pa niya naisip an konsepto han relo para malikayan an katapni hin sip-on ngan trangkaso pero yana la niya ginseryoso an paghimo hine matungod ha hulga han Coronavirus.
Naging motibasyon gihapon kan Max han magpositibo ha mao nga virus an iya kag-anak.
Nakigbuligay hiya ha usa nga product designer para makaghimo hin protootype nga relo nga nagvivibrate kun naduduok ha nawong an kamot han mayda sul-ot hine..
Labot ha pagvibrate in matunog gihapon an relo kun nadudook ine ha nawong para dire hingalimot an mayda sul-ot hine.
Plano ni Max nga igbaligya ine ha $111 (kabalyo hin P5,550)ha maabot nga Setyembre.
