-- Advertisements --
Nakaupod na ha listahan han mga bilyonaryo ha kalibutan an rapper nga hi Dr. Dre.
Subay ha Forbes, an rapper nga hi Andre Romell Young ha tinuod nga kinabuhi in an ikaunom nga musicians nga igindeklara nga bilyonaryo.
Mayda kabug-usan nga karikuhan an singer nga maabot ha $3 bilyon kun diin tikang an karikuhan hini ha iya signature headphones nga Beats Electronics ngan streaming service nga Beats Music.
Gin tindog hini an Aftermath Entertainment record label dida han nakalabay nga 30 katuig mahuman nga lumakat ha rap group nga NWA.
Kaupod gihapon nga gintindog hini an iya Death Row Records nga bumulig ha mga career nira Eminem, 50 Cent, ngan Kendrick Lamar.
