Namumutngaan na gihapon an Prime Minister han Qatar ngan delegasyon han Turkey ha ikatulo kaadlaw han peace talks ha butnga han mga negotiator han Hamas ngan Israel nga panuyo nga maundang na an kasamok ha butnga han magkaluyo nga parte.
Ine in kaparte han indirect negotiations ha butnga han Israel ngan Hamas nga gindumara ha Red Sea Resort Town han Sharm El-Sheikh kasumpay ha 20-point plan nga iginpanukala ni US President Donald Trump.
Dida han nakalabay nga Martes, ginmalatumat ni Trump nga makikiparte na gihapon an US negotiators ha nasabi nga pag-istorya. Nagpahayag gihapon an US President nga mayda posibilidad nga makab-ot an kahimyangan ha Middle East ngan an pagkaruyag nga dayun nga mapagawas na an ngatanan han nasasalin nga bihag han Hamas ha Gaza.
Sumala kan Trump, hihimuon han Amerika an ngatanan agud masigurado nga masunod an kada usa ha kasabutan, in kaso nga magkasabot na an Hamas ngan Israel ha ceasefire.
