TACLOBAN CITY – Dakop an usa nga tulak han druga ha gindumara nga drug buy bust operation han mga otoridad ha Sitio Binongtuan, Brgy. Pikas, Barugo, Leyte dida han mga nakalabay nga adlaw.
Ginkilala an drug suspek kan alyas Otic, 40-anyos ngan residente han Barugo, Leyte.
Kahuman an pira ka adlaw nga monitoring ha nasabi nga suspek in nakuha han mga otoridad ha adlaw han operasyon an tulo ka sachet hin gin-aaligar nga shabu.
Nakumpiskar gihapon ha suspek an 13 ka rounds hiton bala han Calibre 45.
Hapagkayana in waray pa ginpagawas han forensic unit an kabug-usan nga kantidad han ginaaligar nga shabu samtang, nakapaslak naman an mao nga suspek ha Barugo Municipal Police Station agud atubangon an kaso nga pagtalapas han RA 9165 o an Dangerous Drugs Act of 2002.
