SAN MIGUEL LEYTE– Nakapanhatag dayon an bungto hiton San Miguel hin gahi ha mga parag-uma nga naapektaran hiton Bagyong Ada han nakalabay nga semana.
Sumala kan San Miguel Mayor Atty. Norman Sabdao, kanina hiton aga an ira skedyul nga makapanhatag hiton gahi ha iya nasasakupan nga apektado.
Dugang pa hine, subay mangud ha ira nakuha nga datos, purluminos P3.2-M an inbayaan nga danyos ha ha pantag hiton agrikultra, partikular ha mga rice farmers, mahitungod han Tropical Storm Ada.
Samtang umabot gihapon ha 5,622 an naapektaran nga pamilya ha nasabi nga bungto han pagbabaha.
Waray naman may nahipatik nga danyos ha mga imprastraktura o mga panimalay.
Mababaruan nga naghatag gihapon hin bulig an opisina ni Congressman Martin Romualdez, ngan Tingod Party-list kun diin nakatagamtam an bungto hin 20 ka-sako hin bugas, assorted consumer goods, sugad hiton sardinas, noodles, kape ngan gatas, kalakip an hot meals o arozcaldo.
Mensahe naman ni Sabdao, ha publiko nga dire mag-alang pag-aro hiton relief food packs ha ira Municipal Social Welfare and Development (MSWD) Office, sugadman an gahi ha Municipal Agriculture Office, ngan pinansyal nga bulig ha Mayor’s Office kun diin mayada pa hira andam nga Assistance to Individuals in Crisis Situation o AICS.
