NATIONAL–Ginpahayag ni P/Cpt. Elison Pasamonte, hepe han Badoc Municipal Police Station nga narekober han kapulisan an ada ha 80 ka basyo hin bala mahuman nga ginpusil an duha ka lalaki ha Brgy. Paltit ha bungto han Badoc, Ilocos Norte.
Nakilala an mga biktima nga dayon nga namatay nga hira Erwin Rondal, residente han Brgy. Napu ha bungto han Badoc ngan James Fernandez, residente han Brgy. Bulbulala ha bungto han Pinili nga nakasakay ha kotse nga pakadto ha norte nga direksyon han tigda la hira nga ginpusil han waray pa ginkilala nga mga suspek nga ginsundan hira han usa nga busag nga Innova ngan usa nga itom nga pick-up truck.
Sumala kan Pasamonte, an mga pusil nga gingamit ha insidente in usa nga caliber .56 ngan usa nga caliber .30.
Sumala ha iya, nakipagdayalogo hira ha mga residente ha lugar nga pwede makaghatag han bug-o nga impormasyon kanit han krimen.
Gineksplikar niya nga nangunguha na gihapon hira hin Close Circuit Television o CCTV footages para matudlok an mga ada ha likod han insidente.
Narekober naman ha sarakyan han mga biktima an usa nga kalibre .56 ngan duha ka pistol.
Ha presente in padayon la gihapon an imbestigasyon han mga otoridad ha identipikasyon han mga suspek ngan motibo han pamumusil.
