TACLOBAN CITY – Mabalik la gihapon ha mga manarakay an problema han kakulang ngada ha kawaray mga pampasaheros nga sarakyan, ine in pahayag ni Former Representative hiton Primero District han Samar Edgar Mary Sarmiento.
Dugang pa hine, damo daw an mga operators nga nagbaligya han ira mga prangkisa ngadto ha mga drivers kun diin kun susumahon daw in ilegal ine mahitungod nga waray an mga ine rehistro.
Waray pa naman daw gihapon desisyon an Korte Suprema kun tatagan ba hin Temporary Restraining Order an hangyo han mga jeepney drivers ngan operator kun igpapadayun an Jeepney Modernization Program o ig uundang ine.
Imbes nga tagan hin mga ayuda o training para ha iba nga trabaho an mga drivers nga waray makapag-konsolida in mas maupay daw kun buligan nala an mga ine pag mentinar han ira presente nga panginabuhi.
Nanawagan gihapon ine ha mga drivers ngan operators nga waray makabulig ha konsolidasyon nga kun matagan ngani hira hin higayon nga makaghimo hin kooperatiba in dire in karagon ngan singabuton ine samtang ginhahatag pa.
