-- Advertisements --
TACLOBAN CITY – Ginlalauman han mga vendors o magtirinda ha syudad han Tacloban an posibilidad nga magkaada hin paghitaas han presyo han pira nga mga papliton yana nga kapaskuhan ngan bag-o nga tuig.
Sumala kan Zaldy Ladrera, Presidente han Vendors’ Association ha Tacloban, nakikita nira an posibilidad han paghitaas han presyo han mga papliton sugad han utanon, prutas ngan mga panakot.
Ini in madepende naman ha suplay nga maabot tikang ha iba nga lugar.
Kun hitaas manggud an cost of transportation in naghihitaas gihapon an presyo han mga papliton ha merkado.
Ginlalauman naman han mao nga opisyal nga mas mahitaas an demand han mga mamaralit ha bag-o nga tuig kontra yana nga kapaskuhan.
