NATIONAL – Padayon nga humitaas an presyo han karne han manok ha Metro Manila kaupod han paghitaas gihapon han demand.
Sumala ha Department of Agriculture, epekto ini han ASF scare o kahadlok han mga konsyumer nga pumalit hin karne han baboy tungod ha nagsasarang nga African Swine Fever.
Basar ha pinakaurhi nga price watch nga ginpagawas han DA para ha Metro Manila, nadalagan tikang P180 kutob P240 an kada kilo han manok nga ginbabaligya ha mga pangunahon nga merkado ha Metro Manila.
Mas hitaas ini kumpara h P175 kutob P210 kada kilo nga nahipatik dida han urhi nga semana han Hunyo, o sano an haluwag pagsarang han ASF.
Ini in ha luyo nagihapon ha pagklaro han DA nga talwas kaonon an mga karne han baboy ha mga merkado, ha luyo na gihapon han padayon nga pagdamo han kaso han ASF.
