Nagpahimatngon an Department of Agriculture (DA) ha posible nga paghitaas han presyo han bugas ngan iba pa nga pangunahon nga papliton pag-abot han bulan han Agosto, ha kaluyo han pagsisigurado ng supresyente an suplay han nasud ha mga masunod nga bulan.
Sumala kan Agriculture Secretary Francisco Tiu Laurel Jr., an mga nakabantay nga paghitaas han presyo in direkta nga epekto han padayon nga pagsirit han kantidad han lana ha pankalibutan nga merkado nga ginpapaduro pa han kasamok ha Middle East.
Igin eksplikar han sekretarya nga dire malilikayan an pagmahal han mga papliton kun magpapadayon an krisis. Ini in mahitungod nga otomatiko nga mahitaas gihapon an gastos ha abono, transportasyon, ngan logistics nga papas-anon han sektor han agrikultura.
Ha kaluyo han pahimatngon ha presyuhan, gin klaro han DA nga nagpapabilin nga marig-on an pankabug-usan nga suplay han bugas ha merkado.
Supresyente daw gihapon an kapot nga buffer stock han National Food Authority ha oras nga kinahanglanon.
Samtang, kumo pitad agud maibanan an pas-anon ha nagtitikahitaas na gastos ha produksyon, ginsigurado han gobyerno nga padayona an panhatag hin subsidiya o bulig-pinansyal para ha mga apektado nga parag-uma ngan paru-pangisda.
