NATIONAL – Gin papagios na han Philippine National Police (PNP) an mga assets hine agud mapugngan an mga insidente han kidnapping o pagdukot ha mga Chinese nationals ha nasud.
Ginbuhat ni PNP chief Gen. Rommel Marbil an pahayag kahuman han pakighampang hine ha mga membro han Federation of Filipino-Chinese Chambers of Commerce and Industry. Inc. mahuman an pagpatay ha negosyante nga Chinese nga hi Anson Que.
Ha usa nga pahayag, ginmalatumat ni Gen. Marbil nga duro hira nga nababaraka ha insidente ngan dire daw hira maundang samtang dire nareresolba an mga kaso han pagdukot ha mga Chinese. Ginpapagios na gihapon hine an ngatanan han ira investigative assets ngan ginbubuhat an ngatanan han ira akos agud masigurado nga dire na mauutro an nasabi nga insidente.
Umapela gihapon an PNP Chief nga kumalma ngan magkaurusa. Dire naman hine ginkokonsidera nga isolated case ine han nasud, lugod in kolektibo nga padig-on para ha pagkukusog han rule of law ngan pagproteher ha ngatanan nga mga mulopyo nga naukoy ngan may negosya ha Pilipinas.
An kaso han ginpatay nga Chinese in an ikatulo nga insidente han kidnapping ha Chinese nationals ha sulod han sobra usa kabulan.
Syahan in an 14-anyos nga estudyante nga Chinese nga gindukot tikang ha iya iskuylahan ha Taguig City ngan ikaduha in an pagdukot ha usa nga food kiosk owner ngan Chinese ha Manila.
