NATIONAL–Ginkalro han Philippine National Police (PNP) nga an mga nakatalaan nga pagtanggal han mga ngawong ngan ngaran han mga pulitiko ha mga government-fudned projects in nalibot la ha mga PNP properties ngan premises kalakip an mga police stations, mga kampo, opisina ngan iba pa nga mga pasilidad ha bugos nga nasud nga sakop han ira organisasyon.
Ha usa nga pahayag, ginmalatumat ni PNP Chief PGen. Jose Melencio Nartatez Jr. nga an direktiba nga ini in basar na gihapon ha nagin mando ngan ginduso nga polisiya han Department of Interior and Local Government (DILG) nga Memorandum Circular no. 2026-006.
Ha ilarom hini, gindirekta an ngatanan nga yunit han PNP nga tanggalon an mga signages, tarpaulins, markers, posters, ngan iba nga mga materyales nga mayada mga ngaran, imahe, o mga slogan nga mismo nagrerepresentar ha usa nga pulitiko o opisyal.
Sumala kan Nartatez, ini an ira pitad agud nga igpakita an ira pagkakaurosa ha pagpapabilin hin political neutrality, propesyonalismo ngan pagpapa-lebel ha prinsipyo nga an paghahatag hin serbisyo publiko in dapat waray ginpapaboran.
Samtang, an pagtatanggal naman in nakatalaan nga igtitikang ngan igpapatuman ha bugos nga nasud agud nga masiguro nga mapapabilin han kapulisan an integridad ngan an pagigin non-partisan nga organisasyon han PNP.
