METRO MANILA – Ginaghat han Philippine National Police an publiko nga igtawag ha unified hotline nga 911 an mga pan-aabuso nga makikita o mae-eksperyensiyahan ha butnga han implementayson han safer cities initiatives.
Kasunod ini han mga pahayag han Samahan ng Progresibong Kabataan o SPARK nga anti-poor o magamit ha harassment an ginpahugot nga anti-criminality operations.
Sumala kan PNP Spokesperson PBGen. Randulf Tuaño, ginrerespeto han PNP an mga kritisismo han publiko, pero an mao nga inisyatiba in dire na bag-o.
Panuyuan la hini nga igpahugot an existing nga ordinance sugad han pagdidire han pag-inom han makahurubog nga irimnon ha pampubliko nga lugar, pagbaktas ngan pagstand-by nga waray sul-ot nga bado ha igbaw, curfew para ha mga minors ngan pagbi-videoke hin tabis.
Ginsigurado naman ni Tuaño nga dire la ha katikangan an mao nga pitad han mga kapulisan, ini in igsu-sustain ngan magigin parte na han duty han PNP kaupod an mga opisyal han barangay.
Kasumpay hini, aada ha sobra 48,000 nga mga violaters na an nadakop han PNP ha sakob han tulo ka-adlaw kasunod ini ha mas ginpahugot nga implementayson han Safer Cities Initiatives.
