Gin klaro han Philippine National Police (PNP) nga an mga nakatalaan nga pagtanggal han mga nawong ngan ngaran han mga politiko ha mga government-funded projects in nalibot la ha mga PNP properties ngan premises kaupod na an mga police stations, mga kampo, buhatan, ngan iba pa nga mga pasilidad ha bug-os nganasud nga sakop han ira organisasyon.
Ha usa nga pahayag, iginpahayag ni PNP Chief PGen. Jose Melencio Nartatez Jr. nga an nasabi nga direktiba in subay na gihapon ha nagin mando ngan panukala nga polisiya han Department of Interior and Local Government (DILG) nga Memorandum Circular No. 2026-006.
Ha ilarom hine, ginmamanduhan an ngatanan han yunit han Pambansang Pulisya nga tanggalon an mga signages, tarpaulins, markes, posters, ngan iba pa nga mga materyales nga mayda ngaran, litrato o mga slogan nga nagre-representa han usa nga politiko o opisyal.
Sumala pa kan Nartatez, ine an ira paagi agud maipakita an ira pakikiusa ha pagpapabilin han political neutrality, propesyunalismo, ngan pagpapadig-on han prinsipyo nga an paghahatag han serbisyo-publiko in dire kinahanglan nga mayda uugupan.
Samtang, an pananggal naman in nakatalaan na nga tikangan ngan igpapatuman ha bug-os nga nasud agud masigurado nga mapapabilin han pulisya an integridad ngan an pagigin non-partisan nga organisasyon han PNP.
