TACLOBAN CITY- Malipayon nga ginpahibaro han PNP Catubig Northern Samar, nga ginsasalin-urog nira yana nga bulan an ika-27th Police Community Relation PCR Month Celebration 2022, nga mayda tema nga “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Sumala kan PLtCol. Bonifacio Ricafort, Infromation Officer han NSPPO, nga ha mao nga selebrasyon in nagkakamayda hira hin programa, kun diin in naglilikom hin tag- P27.00 an ira buhatan tikang ha ira igkasi- PNP personnel.
Ginklaro naman han mao nga opisyal, nga dire kompulsory an paghahatag hin tag P27.00 kundi ine in depende la ha usa nga pulis, kun boluntaryo hine nga mahatag han mao nga kantidad.
Mababaruan nga han una pa nga tuig nagtikang an mao nga programa, kun diin ginselibrar naman han mga ine an ika-26 nga Police Community Relation PCR Month.
Dugang pa han mao nga opisyal, nga matungod namugna an mao nga programa ira ine ginpadayon kun diin yana nga tuig in ika-27 na hiton PCR, ngan kasumpay gihapon ine ha ira iglilikom nga kwarta tikang ha ira mga kabaro, kun pira na katuig nga ginseselibrar an mao nga aktibidad.
An malilikom naman nga kwarta in igpapalit hin mga food packs hygiene kits ngan iba pa nga pangunahon nga panginahanglan, ngan an makaka-benepisyo hine in an ira mga retired pulis, ngan an masasalin naman in ighahatag gihapon ha mga kablas nga pamilya han mao nga lugar.
