ODD NEWS – An Pizza-La in usa nga local pizza restaurant ha Japan nga nakikipagsabayan ha mga sikat nga international pizza chains.
Nakipagsosyo hira ha Comif Deli, isa nga food company nga naghihimo hin pagkaon nga pwede ha tawo ngan pwede gihapon igpakaon ha mga pets o hayop tungod nga gentle ini ha digestive system han mga ayam, Tungod ha mao nga partnership, nabug-os an Wanko Pizza Teriyaki Chicken.
Ini in 6 inch pizza nga may teriyaki chicken, corn, mushrooms ngan seaweed strips, an dough han pizza in may nakahalo chicken para maging marasa para ha mga ayam.
Nagkakantidad hin 800 yen an usa nga pizza ngan gindedeliver ini hin frozen pa, dire la ini maiha nga ginpapaso ha microwave agud nga dire mapaso an ayam nga makaon hini.
Sumala ha usa nga survey han Japan Pet Food Association han 2020, humitaas hin 15% an mga katawhan ha Japan nga nagkaada hin alaga nga hayop tungod ha pandemic.
