TACLOBAN CITY- Guin angkon han Department of Health ( DOH ) Regional Office 8 na may nabiktima hin pabuto ha Sinirangan Bisayas may kalabutahn ha nakalabay na pagtapo han Pasko.
Sumala kan Ching Juntilla, tagapagyakan DOH 8 na may 5 nga nabiktima hin pabuto ha Northern Samar ngan 2 ha Eastern Samar kun diin kalakip ha mga nabiktima in mga kabatan-unan ngan sugad man kalagsan na naimpluwensyahan hin irimnon na makahurubog.
Pira han mga guin gamit han biktima an piccolo, watusi ngan whistle bomb.
Guinklaro naman ni Juntilla na negatibo nga may nabuthan an probinsya han Leyte, Southern Leyte, Samar, Biliran ngan sugad man an syudad han Tacloban.
Guinsumat guihapon ni Juntilla na umabot hin 93 an ihap han mga nabuthan ha nakabay na tuig 2016 kumpara han 7 nga nabuthan yana na tuig 2017.
An kaparte han pamahayag hi Ching Juntilla, tagapagyakan han Department of Health ( DOH ) Regional Office 8
Samtang, una naman na guinduon han DOH na mahugot nira na guinpapaabot an kampanya ala kontra ha paggamit han pabuto ha kada tagsa na Local Government Units (LGU) para ha seguridad han publiko.
