NATIONAL – Gin pangunahan han Department of Agriculture an pagdudumara hin orientation ngan blood samples tikang ha mga baboy ha probinsya han Batangas nga nakatalaan bakunahan han anti-ASF vaccine.
Ha nagin pahayag ni DA Spokesperson Asec. Arnel de Mesa, dire la anay igdadayon an pagbabakuna ha mga baboy samtang waray pa resulta an blood samples nga kaurugan in nag-iiha hin 20-48 kaoras.
Sumala pa hine, kun gumawas ha resulta nga negatibo ha ASF an usa nga farm ha Batangas in amu pala igpapadayon an pambakuna han anti-ASF vaccine.
Importante daw nga matudlok anay nga negatibo ha ASF an mga baboy para matudlok kun effective an bakuna.
Basar ha datos han ahensya, maabot ha 10,000 dosage han anti ASF Vaccine an presenta nga aadi ha Pilipinas.
Igin kalipay naman han DA nga damo nga mga hog raisers an kusa nga nagpalista kumo benepisyaryo han bakuna kontra ha ASF.
