TACLOBAN CITY – Ginkikita nga ayat la gihapon han mga residente nga nangungukoy ha mga pabahay an pamiling hin pakabuhi.
Sumala kan Tacloban City Former Vice Mayor Jerry Sambo Yaokasin nga bisan man pira na ka-tuig nga nangungukoy an mga residente ha mga pabahay in nakukurian la gihapon an mga ini matungod nga waray pa didto sustenable nga pagkukuhaan.
Dugang pa hini nga an iba nga residente in napakadto pa ha San Jose, Tacloban matungod nga didto mangud namumutang an ira pakabuhi rason han pagbalik-balik ngan pagkamayda hin dire komportable nga panginabuhi.
Nakikita gihapon nga problema ha nasabi nga pabahay an haros kawaray ngan limitado nga transportasyon kun diin, nakagasto hin doble o triple nga pamasahe an mga residente rason han pagtindog ngan pagbalik lugod han mga ini ha ira mga anay balay ha no build zone,
Samtang ginmalatumat naman ni Yaokasin nga kinahanglan in masolusyonan dayon an mga ayat nga ginkakaatubang han mga residente ha pabahay ngan sugad man magbuhat hin mga pitad agud magin sustenable an nasabi nga lugar.
