-- Advertisements --
NATIONAL – Plano han Department of Education nga himuon nga simple an curriculum para ha mga estudyante ha Senior High School.
Ha usa nga pahayag, ginmalatumat ni Education Sec. Sonny Angara ha pamamaagi han mao nga pitad in matatagan hin higayon an mga estudyante nga matutukan an ira mga on-the-job training o work immersion.
Eksplikar ni Angara, tututukan han ira ahensiya nga maiandam an mga estudyante ha magkadurudilain nga industriya.
Kun maipatuman ini, maabot na la ha lima kutob unom nga subject an ighahatag ha mga estudyante ha Senior High.
Samtang, waray pa naman eksakto nga panahon kun san-o ini ipapatuman han Department of Education.
