NATIONAL – Gintagan doon ni Climate Change Commission Vice Chairperson ngan Executive Director Robert E.A. Borje an kinahanglan han pagalutaga ha mga local government units agud sulosyonan an mga ayat han climate change ngan ibanan an mga tarhog hini ha bug-os nga nasud.
Kasumpay hini, ginpahayag ni CCC Vice Chairperson ngan Executive Director Borje an National Adaptation Plan nga nagsisirbi nga giya para ha “climate resilience” han nasud.
Ini an giya nga ginpasa ha United Nations Framework Convention on Climate Change nga kinahanglan gihapon nga ighamubo ha lokal nga lebel agud maibuhat, matungod nga natuo hira nga agud ini sugton han mga Pilipino in kinahanglan ini in direkta nga ipaintinde ha ira.
Padayon gihapon nga ginaaghat an tanan nga sektor kaupod an media, civil society ngan mga pribado nga sektor nga suportaran an local government units ha pagbubuhat hin sakto nga mga pitad ngan maghatag hin kaangayan nga impormasyon ha kada tagsa Pilipino.
