TACLOBAN CITY – Nakiusa an Bombo Radyo Tacloban ha iginbuhat nga Media Conference: Engaging Media for Health Literacy ha Cebu City dida han nakalabay nga adlaw nga kun diin, an panuyuan hini in mahibaruan an sakto nga pagbabalita ngan paghahatag hin impormasyon ha publiko may paghisumpay han Mental Health ngan pagbabawi han kinabuhi.
Gintagan hin duon han mga eksperto nga importante an role han media ha paghahatag hin impormasyon in labi na nga dako an nagigin impluwensya ha publiko.
Gin aaghat pa hini an media nga imbes magpokus han mental health ngan pagbawi han kinabuhi, in lugod aghaton an mga nag aagi hin problema nga dumaop ha mga eksperto agud nga magiyahan an mga ini.
Suhestyon pa ni Dr. Ma. Lourdes Rosanna de Guzman, University of the Philippines College of Medicine ngan Philippine General Hospital nga diri na unta igindedetalye an iginbuhat han nagpakamatay o kun gin aanu pagbuhat hini, in lugod magbalita nala kun patitiunanhon maiiwasan an pagpapakamatay han mga tawo nga nag aagi hin mental health problem.
Ginsuportahan naman ini Diana Mendoza, freelance journalist ngan editor nga unta diri na himuon nga banner story an mao nga mga kaso in labi na kun an dabi in an mga ordinaryo nga mga katawhan, diri daw gihapon dapat ig sensationalize an istorya, magbutang hin trigger warning advise o editor’s note kumo pagpapakita hin respeto han biktima ngan han pamilya hini.
Mental Health Helpline: Monday-Friday | 8:00am-5:00pm
0947-423-8423 (SMART)
0966-531-6464 (GLOBE)
National Center for Mental Health Crisis Hotline: 24/7
0966-351-4518
