TACLOBAN CITY – Nakatalaan nga magdumara hin gius protesta an Pinagkaisang Samahan ng mga Tsuper at Operator Nationwide (PISTON) kadungan han pagbubuhaton nga State of Nations Address (SONA) ni Presidente Rodrigo Duterte ha Batasang Pambansa yana nga adlaw.
Una hini, guinmalatumat ni Francisco Penedilla, tagmangulo han PISTON Sinirangan Bisayas nga damo an ira gin-imbitar nga makiusa han rally.
Dugang pa hini nga ira panuyo nga mapadangat kan Presidente Duterte an mga ungara han mga drivers ngan operators.
Usa ha mga concern hini an damo nga mga operators nga waray makarenew han prangkisa nga ginpapasa- pasa daw la han Land Transportation Franchising and Regulatory (LTFRB) ngan Land Tranportation Office (LTO).
Karuyag daw han transport group nga intindihon an ira kabutangan mahitungod nga amo ini an ira ginkukuhaan hin pakabuhi para ha ira pamilya.
Samtang, naglalaum naman an mao nga grupo nga magkamay-ada hin maupay nga resulta an igpapaabot nga mga ungara kan Presidente Rodrigo Roa Duterte.
