TACLOBAN CITY- Padayon nga na-araba an mga negosyante han syudad, ha kaluyo nga tipagpapatron iton Tacloban yana nga katapusan hiton bulan han Hunyo.
Sumala kan Hon. Colai Go,Information Officer TFCCCI, Chairman Barangay 41, Tacloban City, usa ha ira ginlalauman nga mahitaas an ira kuhida in matungod nga magpapatron an syudad, ngan damo an mapakanhi nga mga bisita tikang ha Samar ngan Leyte, sugadman an mga kahagrani nga bungto.
Dugang pa ni Go, ha pagkayana nahuhulop hira matungod nga an rumbo hiton mga katawhan in pakadto ha Sangyawan Grounds kun diin nahihimutang ine ha Marasbaras.
Ginpaangbit pa hine, nga pagtamak hiton alas 6 han kulop, hinay-hinay na nga nagsasarado an mga establisyemento ha syudad, matungod nga gutiay nala an mga kustomer, ngan an kadam-an in napakadto na ha Sangyawan grounds.
Ginkalipay naman hine, nga ha kaluyo nga dire sugad kahitaas an ira kuhida yana nga tipagpapatron an syudad, nakabawi-bawi naman hira han pagtikang hiton klase.
Ha lain nga bahin, waray naman hira mahihimo matungod nga waray mangud lugar nga pwede tukuran hiton mga rides ngan mga barbeque-han, nga makaka-akomodar hin damo nga bulyo hiton katawhan.
