TACLOBAN CITY – Pira nga mga manufacturers hin pangunahon nga papliton an nagboluntaryo hin pag-price freeze.
Sumala kan Anthea Aivi Borbon-Ancheta, Information Officer hiton Department of Trade and Industry Regional Office VIII, an mga manufacturers mismo an nagpahayag ha ira, ha DTI, nga magpapatuman hira hin price freeze ha ira produkto.
An mga manufacturers nga nag-voluntary price freeze in mayda mga produkto nga gatas, instant noodles, toyo, suoy, kape, ngan canned goods ha specific nga brands.
Ine in kumo bulig daw gihapon han mga manufacturers ha mga kunsumidor nga dire mabug-atan ha presyo han mga papliton yana nga naabat hin El Niño an nasud.
Samtang, dinhi ha Sinirangan Bisayas in duha nga lugar an nagdeklara hin state of calamity mahitungod han duro nga kapaso han panahon, amu an Catbalogan City ngan Naval, Biliran kun diin nagresulta ine hin pagpapatuman hin price freeze.
An price freeze in nag-iiha hin 60 ka-diyas tinikangan han adlaw nga gin deklara ine.
