TACLOBAN CITY – Pira nga istudyante ngan magturutdo han Leyte Normal University an naapektaran han nahitabo nga sunog ha may Calvary Hill ha syudad han Tacloban.
Sumala kan Leyte Normal University Disaster Risk Reduction Management/Pollution Control Director, Jose Ismael Salamia, kagab-i, Pebrero 17, in duha nga istudyante an ira nahipatik nga naapektaran han sunog kun diin, an usa in totally burned an ira balay, samtang an usa naman in totally burned gihapon an ginre-rentahan nga boarding house.
Subay ha ira ginkasumpayan nga nagbo-board nga istudyante in dire la hira duha nga naapektaran han sunog, kundi damo pa sanglit amu pa gihapon an ira ginkukuha.
Dugang pa hine, maghahatag hin bulig an institusyon ha mga apektado nga istudyante kun diin ginhihingita pa nira kun diin pwede temporaryo nga mag-ukoy an mga ine.
Labot pa han mga istudyante, in mayda gihapon naapektaran nga mga magturutdo han nasabi nga institusyon an tatagan gihapon hin bulig.
Samtang, abri naman daw an ira linya para makipagsumpayan han mga istudyante ngan magturutdo nga naapektaran han sunog.
