TACLOBAN CITY – Dumagmit an pag-ursa han ekonomiya han nasud dida han syahan nga quarter han 2024, subay hiton report han Philippine Statistics Authority (PSA).
Subay ha PSA, humitaas hin 5.7% an gross domestic product dida han syahan nga quarter, kumpara ha 5.5% dida han 4th quarter han 2023 ngan 6.4% dida han Enero kutob Marso 2023.
Ginpahayag han gobyerno, dida han Abril nga ginlalauman hine nga maursa an ekonomiya ha butngan han 6.0% ngan 7.0% yana nga tuig.
An datos in nagpapakita nga an paggasta han nasud in huminay tikang ha 5.3% pero nakaghipatik ine hin solido nga paghitaas hin 4.6% ha syahan nga quarter. An mga pag export han kalakal ngan serbisyon in humitaas hin 7.5% ha pinakaurhi nga quarter, bumawi naman tikang ha 2.5% nga pag ubos dida han nakalabay nga quarter.
Pangunahon nga contributor ha madagmit nga pag ursa han ekonomiya an financial ngan insurance activities nga mayda 10.0%, wholesale ngan retail trade ngan repair han motor vehicles ngan motorcycles nga mayda 6.4%, ngan manufacturing nga mayda 4.5 percent.
Umursa gihapon an annual growths han ngatanan han majors economic sectors sugad han agriculture, forestry, ngan fishing (AFF) industry.
