Dire na an harang an may kapot han titulo kumo pinakamaharang ha kalibutan.
Sumala ha mga eksperto, mayda usa nga klase hin tanom nga mayda kemikal nga mas ‘matindi’ kumpara ha bisan anu nga chilli pepper.
An kaharang han harang hin nagtitikang ha capsaicin nga mayda kutob 16 million Scoville Heat Units (SHU). Samtang, an ginkikilala nga pinakamaharang nga harang nga Pepper X in ada ha 2.69 million SHU.
Pero an resiniferatoxin, nga makikit-an ha mga tanom nga Euphorbia resinifera ha Morocco ngan Euphorbia poissonii ha Nigeria, in naabot ha ginbabana-bana 16 billion SHU, nga haros 1,000 kabeses nga mas matindi kumpara ha capsaicin.
Pero dire ini pagkaon. Subay ha mga pag-aram, bisan an pinakagutiay nga kadamo han resiniferatoxin in posible magdurot hin durot nga kasakit, chemical burns, ngan permanente nga pagkaruba han nerve ending. Parehas hini nga gina-activate an TRPV1 recetor han lawas—an responsable ha pag-abat han kapaso, pero mas makusog ngan mas maiha an epekto hini kumpara ha capsaicin.
Gintotoohan nga depensa ini han tanom kontra ha mga hayop. Mahitungod ha kaharang hini, bisan an simple nga pagdukot ha tanom in posible magdurot hin paso ha panit.
