ODD – An Nano Tracks N320 in usa nga miniature remote-controlled excavator nga bisan paman kun 1/64 la an aktwal nga kadako ha tinuod nga excavator in dire usa nga mulayan kundi usa nga fully functional na excavator.
Subay ha website han Nano Tracks N320, ine in mayda unom nga fully independent, proportional motors, nga naghahatag hin precise control ha kada gios. Mayda gihapon ine electronic slip ring, ngan mga independently controlled boom, dipper, bucket, swing, ngan mga track.
Sumala kan Jonathan Abbott, an naka-imbento han Nano Tracks N320, nagtikang ine duha na an nakalalabay han madiskubre niya ha YouTube an usa nga hobbyist group nga nagmumulay gamit an gudti nga remote controlled excavators.
Naupayan daw hiya sanglit nagtikang hiya nga magbiling hin mga sugad nga klase hin excavators ha online, pero waray hiya makit-an sanglit nagdesisyon ine nga maghimo nala hin iya kalugaringon.
Ha presente, nagkakantidad han $120 an usa nga Nano tracks N320.
