NATIONAL – Nanawagan an Pilipinas para ha mahimyang ngan diplomatiko nga solusyon ha nagpapadayon nga krisis nga durot han tensyon ha Middle East.
Ha usa nga pahayag, ginmalatumat han Department of Foreign Affairs (DFA) nga duro nga nababaraka an Pilipinas ha mga development ha Middle East region.
Kasumpay hine, maduon nga gin aaghat han nasud an mga concerned parties nga subayon an dalan han diplomasiya ngan likayan nga dumako pa an kasamok nga hulga ha kahimyang ngan seguridad ha rehiyon.
Ha kaluyo hine, gin sigurado naman han ahensya nga igpapadayon han gobyerno han Pilipinas an pagprayoridad ha kabutang ngan katalwasan han mga Pilipino ha rehiyon.
Nakaandam gihapon an embahada han Pilipinas ha rehiyon para maghatag hin kaangayan nga bulig ha mga Pilipino nga ada ha ira hurisdiksyon.
