TACLOBAN CITY– Arestado ha ika-duha nga higayon an usa nga suspek, mahuman ine nga tumakas ha Tacloban City Jail.
Ginkilala an suspek kan Juban Roy Docena- PDL residente han Brgy. Tagpuro Tacloban.
Sumala kan Tacloban City Police Office, Information Officer, PLTCOL. Allan Camasin, ine nga PDL in anay na nga nakatakas han nakalabay nga mga bulan, ngan utro la ngahaw nga nahidakpan mahuman nga mangawat ha Brgy.74 Nula-Tula.
Dugang pa ni Camasin, han ika duha nga higayon han pagtakas hine, nahidakpan naman ine ha may Brgy. Fatima Marasbaras, ngan ha pagkayana, balik na ine nga nakapaslak ha presuhan.
Ginmalatumat naman hine, nga usa ha mga rason kun kay-anu utro nga nakatakas ine nga PDL in matungod nga nahingaturog an bantay hine samtang naka bantay.
Mababaruan, nakadara gihapon hin pusil an preso ha iya pagtakas calibre 9mm ngan mayda ine 15 nga bala ha sulod han magazine.
Ginsigurado naman ni PLTCOL.Camasin, nga padayon an ira ginhihimo nga paningkamot, agud nga mamintinar an peace and order hiton syudad.
