NATIONAL – Igin esplikar han Presidential Communications Office an nagsasarang nga video kun diin makikit-an an usa nga indibidwal nga may ginduhol kan President Ferdinand Marcos Jr. nga guti-ay nga butang.
Subay han PCO, an ginduhol in diri droga, kundi usa nga lapel pin nga may simbolo han ira politcal party ngan an nasabi nga indibidwal in naghuhulat nga makag-selfie ha presidente.
Dugang pa hini, gin-utod ngan gin-blur an video kun diin naghahatag ini hin sayop nga konteksto.
Kalakip na an pira nga mga komento han netizens nga usa nga “white substance” an sulod han nasabi nga butang.
Mahitungod hini, gin aaghat han PCO an publiko nga maghuna-huna ngan panginanoon anay an bug-os nga istorya, obserabaran an mga detalye ngan diri magpa-uwat ha mga peke nga impormasyon.
