TACLOBAN CITY–Gin-aaghat han Philippine Crop Insurance Agency (PCIC) an mga parag-baboy nga igpa-insure an ira mga baboy kaluyo han mga kaso han African Swine Fever (ASF).
Sumala kan Benita Alberto, Philippine Crop Insurance Agency (PCIC) Chief Marketing and Sales Division nga dako an imdemnity para han ASF kun diin umabot hin P5.4-M an kabug-osan nga ginbayad para han mga livestock raisers.
Gin-eksplikar gihapon niya nga kun lumarab na an mga insidente hine, suspendido an pagkarawat hin mga aplikasyon ha mga munispyo nga aada ha Red Zone.
Basar hini, dire na kakarawton an pagpa-insure ha mga bungto kun san-o mayada insidente hin ASF matungod nga high-risk na ini.
Samtang, ginkakarawat naman an mga claim kun ginpahitaas na an usa nga zone ha Pink o Green.
