NATIONAL NEWS– Ginpahayag han Malacañang nga nababaraka hi Pangulong Ferdinand “Bongbong” Marcos Jr. ha posible nga epekto han mga iginpaskaa nga impeachment complaint kontra ha iya, dire la para ha iya kalugaringon kundi magin ha kapakanan han nasud ngan ekonomiya.
Sumala kan Palace Press Officer USec. Claire Castro nga an pagpasaka han impeachment complaint kontra ha Pangulo in may haluag nga implikasyon ngan posible nga maka-apekto dire la ha liderato magin ha kabutangan han ekonomiya han nasud.
Gintagan duon ni Casto, nga nagpapabilin nga kumpiyansa an Pangulo nga waray ine ginhimo nga sayop ngan gintalapas nga balaod, ngan waray hiya nahimo nga impeachable offense, pero ginkakabaraka hine an magigin epekto han proseso ngan pagtapod han ubliko ngan dalagan han ekonomiya.
Nanindugan naman an Palasyo nga waray hira kalabutan ha pagpasaka han duha nga impeachment complaints kontra kan VP Sara Duterte.
Dugang pa ni Castro, haros waray naman pinagkaiba ha duha nga iginpasaka nga kaso kontra kan VP Durterte.
