Ginkilala ni Presidente Ferdinand “Bongbong” Marcos Jr. an importante nga amot ngan sakripikasyo han mga magturutdo samtang pinangungunahan an panunumpa han mga bag-o nga promoted nga magturutdo ngan principal han DepEd National Capital Region ha seremonya han “RISE in Service” ha ilarom ha Expanded Career Progression (ECP).
Gintagan-duon han presidente an mabug-at nga responsibilidad han mga magturutdo, tikang ha pagtututdo ngan pag-aandam han leksyon kutob ha pag-giya ha mga istudyante ngan boluntaryo nga serbisyo ha kumunidad.
Iginduon han Presidente nga an edukasyon in pangunahon nga susi ha pag-ursa han nasud ngan ginsigurado an padayon nga suporta han gobyerno ha mga magturutdo.
Kalakip dinhi an P1.34 trilyon para ha sektor, 2025 Service Recognition Incentive, P10,000 teaching allowance ha School Year 2025–2026, ngan P7,000 medical allowance.
Gintagan-duon gihapon hine an pag-aabri han kadugangan nga posisyon, reclassification ha ECP, ngan promosyon basar ha merito agud masiguro nga waray magturutdo ha pampubliko nga iskuylahan an magreretiro kumo Teacher I.
Igin punto han Presidente nga an promosyon in magigin dalan tikadto ha mas maupay nga kinabuhi dire la para ha ira kundi para gihapon ha ira mga pamilya.
