Ginlalauman ni Senador Imee Marcos nga mauli ha Pilipinas hi anay House Appropriations Committee chair, Zaldy Co, agud magsumat han iya nababaruan ha flood control scandal.
Sumala ha Senador, nauna na nga nagpahayag hi Co han iya kaandaman nga igpagawas an iya mga kapot nga impormasyon may paghisumpay ha korapsyon ha flood control projects.
Han mapakianhan an senadora kasumpay ha posible nga ginkamumutangan ni Co, ginmalatumat hini nga ha iya pagkakaaram ha pagkayana, in aada pa Europe hi Co.
Ha lain naman nga bahin, gintagan-duon ni marcos nga dire magigin madagmit an pagpapauli kan Co ha Pilipinas, labi na nga mahugot an Europe labi na ha mga kaso hin “political oppression.”
Ha kaurhian, naglalaum hi Marcos nga magdedesisyon hi Co nga kusa ngamabalik ha nasud agud igpagawas an mga nababaruan hini nga impormasyon.
