NATIONAL – Bumiyahe na tikadto ha Washington, DC hi Presidente Ferdinand Marcos para ha iya official visit.
An pagbisita ni PBBM ha US in subay ha imbitasyon ha iya ni US President Donald Trump.
Ha departure speech han Presidente, igin parayaw hine nga hiya an syahan nga ASEAN Head of State ha US ha ilarom han Trump administration.
Labot ha bilateral meeting han Presidente kan US Pres. Donald Trump, magkakamay-ada gihapon bilateral meetings an Presidente kan US Secretary of State Marco Rubio ngan US Secretary of Defense Pete Hegseth.
Natuod naman an Presidente nga importante an iya pag biista ha US mahitungod nga mas papakusgon hine an maiha na nga alyansa han duha nga nasud.
Gin sigurado naman hine nga an iya top priority ha iya official visit in igduso nga pakusgon pa an economic management han duha nga nasud.
Dugang pa hine, igpapahayag gihapon niya kan Presidente Trump nga andam an Pilipinas nga makig-negosasyon agud magkamay-ada hin bilateral trade deal.
Kun manunuduman 20% nga taripa an igpapahamtang han Amerika ha Pilipinas.
