NATIONAL – Biyahe pa-Amerika hi Presidente Ferdinand Marcos Jr. ha Dominggo ngan gagamiton hine an pagbisita agud abrihan an mga istoryahon maypaghisumpay ha Pilipinas ngan utro nga ig duso an mga interes han Pilipino.
Sumala kan Foreign Affairs Asec Raquel Solano, syahan ha mga agenda han presidente ha magigin meeting hine kaupod ni US President Donald Trump, in an paghingaday ha 20% reciprocal tariff nga iginbutang han Amerika ha Pilipinas.
Dugang pa hine, mayda na mga opisyal han Pilipinas an nauna na ha Washington, DC, para ha nagpapadayon nga negosasyon ha nasabi nga istoryahon.
Naglalauman naman an gobyerno nga ha pagbisita han Presidente in makakabug-os hin usa nga bilateral trade agreement o kasabutan para ha reciprocal trade kun diin parehas magbebenipisyo ha duha nga nasud.
Ha linya han depensa ngan seguridad, dire mawawara ha mga posible mahingadayan han duha nga lider an mga development o mga nahitatabo ha West Philippine Sea (WPS).
Naglalauman gihapon an gobyerno ha nga pagbisita han Presidente ha US, utro nga makakag-secure an Pilipinas hin assistance o suporta tikang ha US, para ha pagpapahugot pa han kahimyangan ngan kagamitan han Armed Forces of the Philippines (AFP) ngan han Philippine Coast Guard (PCG).
