TACLOBAN CITY – Gin aalegar nga naigo han kidlat an nahikit-an nga usa nga patay nga lawas nga sakay han pumpboat ha Brgy. Tabunan, Borongan City.
Ginkilala an biktima kan alyas Renato, 47-anyos an pangidaron, ngan residente han nasabi nga barangay.
Sumala kan Borongan City Police Office Chief of Police, PLt. Col. Clark Chavaria, nakakarawat hira hin tawag tikang ha usa nga concerned citizen kasumpay han ira nahikit-an nga patay nga lawas kun diin dayun naman ine nga gin respondehan han mga kapulisan.
Basar han imbestigasyon, nakahiraan daw han mga paru-pangisda nga kumadto ha dagat kada maagahon para mangisda pero hadto daw nga adlaw in dire maupay an sitwasyon han panahon kun diin umiliw gihapon an mga ine ha biktima mahitungod nga waray pa daw ine ha dagat, pero pira ka-oras an naglabay mahuman an mga ine nga makabalik in nahikit-an nira an patay na nga lawas han biktima kun diin nasusunog an ulo nga parte hine.
Dayun naman an mga ine nga nagpahibaro ha paryente han biktima ngan gindara ine ngadto han panimalay hine.
Waray naman na igpailarom han pamilya han bikitma an nasabi nga biktima ha autopsy mahitungod kumbinsido daw an mga ine nga naigo han kidlat an biktima.
