TACLOBAN CITY – Patay na han makit-an an usa nga kinse anyos nga lalaki mahuman nga malunod ha nahitabo nga pagbabaha durot han makusog nga pag-inuran ha Sitio Caloogan, Brgy. San Jose ha bungto han Palo Leyte.
Sumala kan Rayden Cabrigas, tagapagyakan han Office of Civil Defense (OCD) Regional Office 8, una anay nga naireport nga missing an mao nga lalaki nga kakulop nga adlaw ngan han ginbuhat nga search and retrieval operation kanina la han aga narekober an patay nga lawas hini.
San-o ini in usa gihapon nga senior citizen ha mao nga barangay an na-trap ha baha pero malinampuson naman ini nga natalwas han mga responders.
Nahibaruan nga an bungto han Palo an usa ha mga ginbaha nga lugar ha rehiyon tungod han paglapwas han tubig ha Bangon River.
